Damir Muminovic, leikmaður Breiðabliks, spilaði með liðinu í 2-2 jafntefli við HK í kvöld.
Blikar voru 2-0 undir er örfáar mínútur voru eftir en tvö mörk undir lokin tryggðu stig í Kórnum.
,,Eigum við ekki að segja við hefðum átt stigið skilið? Þetta var skemmtilegt undir lokin,“ sagði Damir.
,,Við vorum aldrei í shape-i í fyrri hálfleik og náðum aldrei að klukka þá. Mér fannst þeir virkilega góðir og þéttir, það var erfitt að skora hjá þeim.“
,,Við gefum þeim svo tvö mörk úr föstum leikatriðum, við erum ekki vanir að fá á okkur mörk úr föstum leikatriðum.“
,,Það var gott að fá þetta mark undir lokin, hefði Villi bætt við einni mínútu við hefðum við skorað þriðja markið líka.“