Það kom ekki til greina fyrir Cristiano Ronaldo að semja við neitt annað lið í sumar en Juventus.
Þetta segir Jorge Mendes, umboðsmaður Ronaldo en hann vildi sjálfur mikið komast til Ítalíumeistarana.
Talað var um að AC Milan hafi fyrst verið nálægt því að fá Ronaldo en það er ekki rétt samkvæmt Mendes.
,,Í janúar árið 2018 þá héldum við að það yrði mjög erfitt að koma Cristiano Ronaldo til Juventus,“ sagði Mendes.
,,Ég vil þó koma því á framfæri að þessi hugmynd kom frá leikmanninum sjálfum. Ronaldo sagði að hann vildi aðeins spila fyrir Juventus.“
,,Þar byrjaði þetta allt saman og ég var í viðræðum við þá í nokkra mánuði og svo komst þetta í gegn.“