Fyrirsætan Ísold Halldórudóttir hefur vakið gríðarlega athygli undanfarið, bæði hér heima og erlendis, og er ötul baráttukona fyrir líkamsvirðingu. Hún deilir andríkum skilaboðum á Instagram-síðu sinni um leið og hún tilnefnir sjálfa sig í árlegu Dazed100 keppnina á vegum fjölmiðilsins Dazed, en markmið keppninnar er að varpa ljósi á upprennandi hönnuði, leikara, fyrirsætur og ýmiss konar listamenn aðra.
„Ég tilnefni sjálfa mig í #dazed100 því mér er sama um undirhökuna, appelsínuhúðina, bakfituna og magann minn sem er augljóslega ekki sléttur,“ skrifar Ísold og heldur áfram.
„Ég tilnefni mig á hverjum degi því ég trúi á mig sjálfa og aðra sem líður eins og þeir passi ekki inn neins staðar. Ég lofa að búa ávallt til rými fyrir ykkur, standa með ykkur og vera hávær.“
Þá hvetur Ísold aðra til að merkja Dazed ef þeir trúa á sig sjálfa, líkt og hún. Rúmlega tvö hundruð manns eru búnir að líka við myndina og fjölmargir merkja Dazed eins og Ísold hvetur til.
