Margir syrgja flugfélagið WOW Air í dag, en hugur fólks er einna helst hjá starfsfólki flugfélagsins sem lifir nú í mikilli óvissu. Við ákváðum að kíkja yfir þekkt andlit sem hafa séð til þess að farþegum í flugum WOW Air hefur liðið vel í gegnum tíðina.
Leikkonan góðkunna Helga Braga Jónsdóttir kláraði fimm vikna flugfreyjunámskeið hjá Iceland Express árið 2011 og fékk í kjölfarið vinnu hjá flugfélaginu. Árið 2013 fór Helga Braga yfir til WOW Air og hefur eflaust kitlað hláturtaugar farþega, enda ein okkar besta gamanleikkona.
View this post on Instagram
Fegurðardrottningin Arna Ýr Jónsdóttir stóð vaktina fyrir WOW Air en þó hún hafi ekki starfað þar þegar að áfallið dundi yfir í morgun minnist hún fyrirtækisins með hlýju á Instagram.
„Leitt að sjá þetta skemmtilega og litríka flugfélag loka,“ skrifar hún.
Arna á von á sínu fyrsta barni með sínum heittelskaða, Vigni Þór Bollasyni, en þeir sem fylgja þessari fyrrverandi Ungfrú Ísland á Instagram sjá að barnið á hug hennar allan.
View this post on Instagram
One year ago…. sad to see this fun & colorful airline shut down business. ??
Leikkonan og áhrifavaldurinn Kristín Pétursdóttir hefur unnið sem flugfreyja undanfarið, en margir kannast kannski við hana úr kvikmyndinni Óróa og sjónvarpsþáttunum Fólkið í blokkinni. Kristín er gríðarlega vinsæl á Snapchat og fylgjast þúsundir manna með hennar daglega lífi á degi hverjum.
Gréta Morthens, dóttir tónlistarmannsins Bubba Morthens og fyrrverandi eiginkonu hans, Brynju Gunnarsdóttir, hefur einnig verið flugfreyja hjá WOW Air. Hún er þó ekki aðeins lunkin í háloftunum heldur efnilega söngkona og gítarleikari. Nú er spurning hvort tónlistin taki yfir fyrst WOW Air flýgur ei meir.
Marín Manda Magnúsdóttir hefur komið víða við á ferlinum, enda fjölhæf með eindæmum, en síðustu misseri hefur hún starfað sem flugfreyja hjá WOW Air. Marín Manda bíður nú spennt eftir sínu þriðja barni sem hún ber undir belti, en hún og kærasti hennar, Hannes Frímann Hrólfsson, eiga von á litla kraftaverkinu í ágúst.
Grínleikkonan Júlíana Sara Gunnarsdóttir hefur sést spranga um ganga WOW-vélanna. Júlíana er annar tveggja höfunda gamanþáttanna Þær Tvær sem hafa notið talsverðra vinsælda, en hefur einnig verið áberandi á ýmiss konar uppákomum, þá oft með samstarfskonu sinni og vinkonu, Völu Kristínu.
Fegurðardrottningin, áhrifavaldurinn og bloggarinn Fanney Ingvarsdóttir byrjaði sem flugfreyja hjá WOW Air stuttu eftir stofnun þess. Samhliða flugfreyjustörfum var hún framkvæmdastjóri Ungfrú Ísland í tvö ár og árið 2017 var hún einnig partur af skipulagsteymi Reykjavík Fashion Festival, eða RFF. Nú gefst Fanneyju meiri tími fyrir tískuna og verður spennandi að sjá hvað hún tekur sé fyrir hendur í kjölfar þess að WOW er allt.
Fitness-stjarnan Bára Jónsdóttir, eða Bára „Beauty“ eins og hún er oftast kölluð, hefur staðið sig vel sem flugfreyja hjá WOW Air, enda vinaleg með eindæmum. Bára hefur náð glæsilegum árangri í fitness þó hún hafi aðeins keppt í sportinu um stutta hríð, en í viðtali við DV fyrir stuttu sagði hún flugfreyjustarfið passa vel með fitness-lífinu.
„Það voru tímamót í mínu lífi og mér fannst þetta bara vera rétti tíminn. Mig hafði alltaf langað til að gera þetta. Ég var flugfreyja á þessum tíma og átti því nægan tíma á milli fluga til að einbeita mér að því að fara í ræktina. Ég var með góðan grunn og í ágætis formi sem útskýrir kannski af hverju ég komst í mjög gott keppnisform á aðeins fimm mánuðum. Með réttu mataræði og réttum æfingum gerðist þetta rosalega hratt,“ sagði hún um upphaf fitness-ferilsins.
Bloggarinn Guðrún Helga Sørtveit byrjaði sem flugfreyja hjá WOW Air árið 2017. Guðrún er gríðarlega vinsæl á samfélagsmiðlum og má jafnvel segja sem svo að hún ýti undir jákvæða líkamsímynd með færslum sem veita mörgum konum innblástur.
View this post on Instagram
Fegurðardrottningin Sigrún Eva Ármannsdóttir hefur þjónað farþegum flugfélagsins, en hún var valin Ungfrú Ísland árið 2011. Í framhaldinu fagnaði hún velgengni í fyrirsætubransanum. Í dag starfar hún sem flugfreyja hjá keppinauti WOW Air, Icelandair.
Söngkonan Ísold Wilberg Antonsdottir hefur einnig klæðst fjólubláa flugfreyjubúningnum, en hún syngur eins og engill.
Sópransöngkonan Gréta Hergils er ein af þekktum freyjum WOW Air, en hún hefur sungið nokkur hlutverk í Íslensku óperunni, þar á meðal í Hollendingnum fljúgandi, Macbeth og Sweeney Todd.
View this post on Instagram
Áhrifavaldurinn Jóhanna Helga Jensdóttir hefur verið flugfreyja WOW Air, en hún hefur vakið mikla athygli á samfélagsmiðlum ásamt bestu vinkonu sinni, Sunnevu Einarsdóttur.
Lífsstílsbloggarinn Þórunn Ívarsdóttir hefur einnig skellt sér í WOW-dragtina, en hún er dugleg að láta á sér bera á samfélagsmiðlum. Í dag er fjölskyldulífið áberandi á hennar miðlum, en hún eignaðist dótturina Eriku Önnu með manni sínum, Harry Sampsted, seinnipart síðasta árs.
Bryndís Hera Gíslasdóttir hefur staðið sig með prýði í flugfreyjustarfinu hjá WOW Air, en starfið hefur samræmst fjölskyldulífi hennar og Ásgeirs Kolbeins afar vel.
