Þessar kartöflur eru stórkostlegar sem meðlæti eða bara snarl og þá með góðri sósu. Virkilega gómsætar og einfaldar í matreiðslu.
Hráefni:
600 g kartöflur, skornar í báta
1 msk. ólífuolía
½ msk. chili krydd
1/8 tsk. hvítlaukskrydd
1/8 tsk. laukkrydd
1/8 tsk. oreganó
¾ tsk. broddkúmen
½ tsk. salt
½ tsk. pipar
Aðferð:
Hitið ofninn í 220°C. Setjið kartöflurnar á stóra ofnplötu. Drissið olíu yfir og hrærið í þar til kartöflurnar eru þaktar olíunni. Setjið til hliðar. Blandið kryddinu saman í skál og stráið yfir kartöflurnar. Hrærið aftur vel svo kryddið hjúpi kartöflurnar. Bakið í 15 mínútur. Takið úr ofninum og snúið bátunum við. Bakið í 10 mínútur til viðbótar.
