Hörður Snævar Jónsson skrifar frá Peralada á Spáni:
Ari Freyr Skúlason er spenntur fyrir verkefni íslenska landsliðsins í undankeppni EM í vikunni.
Ísland hefur ekki unnið leik í mjög langan tíma en spilar við Andorra á föstudag sem er að margra mati skyldusigur.
Ari Freyr hefur lokið keppni á þessu tímabili með Lokeren í Belgíu, liðið skítféll úr deildinni. Þrátt fyrir að hafa skítafllið úr deildinni er ekki ljóst hvort Lokeren fari á endanum niður, hagræðing úrslita hjá fjölda liða er til rannsóknar í Belgíu, verði dómur FIFA hagstæður, gæti Lokeren haldið sér uppi.
Ari verður samningslaus í sumar og hafði verið orðaður við endurkomu til Íslands, Valur, hans uppeldisfélag var nefnt til sögunnar. ,,Ég veit ekki hvaða þetta kom,“ sagði Ari sem veit ekki hvar sögurnar fóru af stað.
,,Ég hef aldrei heyrt neitt í Val. Það er eðlilegt kannski að svona sögur byrji, þeir höfðu ekki samband við mig. Það er alltaf gaman þegar einhver áhugi.“
Ari sér það ekki fyrir sér að búa á Íslandi í náinni framtíð.
,,Ég flutti 15 ára út, með stutt stoppi heima í eitt ár. Ég sé mig ekki búa á Íslandi.“
Viðtalið við Ara er í heild hér að neðan.