Luis Suarez, leikmaður Barcelona, var nálægt því að semja við lið Arsenal árið 2013 er hann var á mála hjá Liverpool.
Suarez hafði staðið sig vel á Anfield en Arsenal sýndi honum áhuga og vildi Úrúgvæinn færa sig um set.
Steven Gerrard, þáverandi fyrirliði liðsins, sannfærði Suarez hins vegar um að semja ekki við liðið.
,,Við komumst í Evrópudeildina þetta tímabil en við enduðum illa,“ sagði Suarez.
,,Ég var við það að fara til Arsenal, ég reyndi að neyða mig til að fara en Steven sagði við mig: ‘ég lofa því að ef þú verður áfram á þessu ári þá komumst við í gang á því næsta og þú kemst til Bayern, Barcelona eða Real Madrid. Vertu áfram í eitt ár því það er ekki betra fyrir þig að fara til Arsneal.“
,,Þetta var síðasta samtalið sem ég átti við Gerrard því þarna þá sagði ég umboðsmanninum mínum að ég væri búinn að taka ákvörðun um að vera áfram.“
,,Hann sannfærði mig. Þetta kom frá manneskju sem var ekki sam,a um mig og vildi það besta fyrir mig, einhver sem sá mig þjást á æfingum og sá mig sorgmæddan.“
,,Þetta voru orð frá sönnum fyrirliða sem hafði mikil áhrif og hjálpaði mér mikið.“
