Útivistarverslunin Íslensku Alparnir, sem hefur verið starfrækt í 14 ár, hefur nú flutt á nýjan stað, að Ármúla 40. „Við erum nú búin að koma okkur vel fyrir við hlið hjólaverslunarinnar Marksins og svo er golfverslunin Golfbrautin í hinum enda hússins. Þessi þrenna í húsinu er skemmtileg fyrir alla sem hafa gaman af alls konar útivist því þarna er breitt úrval af vörum tengdum útivist og sporti,“ segir Karitas Þráinsdóttir, markaðs- og rekstrarstjóri hjá Íslensku Ölpunum.
Verð á vörum í Íslensku Ölpunum hefur farið mjög lækkandi undanfarin misseri og hefur verslunin til dæmis kappkostað að skila áhrifum tollalækkana til neytenda: „Frá áramótunum 2015/2016 höfum við getað lækkað verð á vörum svo um munar og viðskiptavinir okkar hafa flest allir orð á því hvað er gaman að koma og geta keypt vörur á því verði sem við höfum getað boðið undanfarið. Í lok síðasta árs höfum við einnig getað keypt í vörur á góðu gengi svo allar skíðavörurnar okkar hafa lækkað í verði. Við höfum aldrei getað boðið eins gott verð eins og í dag,“ segir Karitas.
Íslensku alparnir hafa ávallt lagt áherslu á að bjóða viðurkenndar gæðavörur. Karitas stiklar á stóru í vöruúrvalinu: „Við fáum mikið af gæðamerkjum. Frá Bretlandi bjóðum við upp á merki eins og Mountain Equipment og RAB en það eru merki sem við getum getum sagt með stolti að kröfuharðir viðskiptavinir kaupi. Við bjóðum einnig upp á vörur frá CMP en það er ítalskt merki, við höfum boðið upp á vetrarfatnað frá þeim sem hefur aldeilis slegið í gegn. Föt á góðu verði en gæðafatnaður engu að síður. Salomon þekkja allir, en við erum með mikið úrval af vörum frá Salomon, t.d. vörur fyrir hlaupara, Speedcross skóna, mittistöskur og létta bakpoka svo eitthvað sé nefnt. Síðan eru það skíðavörurnar frá Salomon, Atomic, Lowe Alpine, Lange, Dinastar og Scott. Þá má nefna gæðamerki eins og Mountain House, P.A.C. Grangers, Kathoola, Hestra, GSI, LENZ, Pinquin og Bergans.“
„Í dag hefur margt breyst í útivist og hreyfingu frá því sem áður var. Við sjáum þetta vel á því að þeir sem koma og eru að leita sér að fatnaði í eitt sport ætla svo jafnvel að nota fatnaðinn í annað sport líka. Margir eru í hreyfingu sem er þvert á margar íþróttir. Það er að segja, hlaupari er líka í hjólasporti, syndir og fer svo á skíði yfir vetrartímann. Hann vill kaupa sér hlaupavesti sem hægt er að nota á hjólinu líka, fatnað sem er nothæfur í fleiri en eina tegund útivistar o.s.frv. Við getum tekið sem dæmi buxur frá Salomon sem henta vel fyrir hlaupara í kuldanum á Íslandi, en gætu vel komið til greina líka sem skíðagöngubuxur. Þarna koma Íslensku Alparnir ansi sterkir inn. Salomon fatnaður og skór henta oft mjög vel til margskonar iðkunar úti í náttúrunni.“
Íslensku Alparnir gera sér fara um að uppfylla þarfir þeirra mörgu og sífellt fleiri sem stunda íþróttir og útivist af öllu tagi. Sumir taka þátt í alls konar keppnum en aðrir vilja bara umfram allt hreyfa sig mikið, bæði úti og inni.
Skíðavörur
Íslensku Alparnir eru með gott úrval af gönguskíðum og segir Karitas að af þeim séu Skintec-skíðin langvinsælust en þau eru það nýjasta á markaðnum. „Gönguskíðaæfing er holl og góð hreyfing sem flestir geta tileinkað sér. Íþróttin reynir á ansi marga vöðvahópa og svo er þetta íþrótt sem öll fjölskyldan getur stundað saman. Eftir útiveruna líður öllum vel,“ segir Karitas.
Það er sannarlega ástæða fyrir allt áhugafólk um útivist og íþróttir að skella sér í Íslensku Alpana, að Ármúla 40, og skoða úrvalið. Opið er virka daga frá 10 til 18 og laugardaga frá 11 til 16. Símanúmer er 534 2727 og vefsíða er alparnir.is. Sjá einnig Facebook-síðu Íslensku Alpanna.
