Bíll.is. Glæsilegasta bílasala landsins
Bílasalan Bíll.is var stofnuð árið 1998 og var þá fyrsta bílasalan til þess að notfæra sér netið í sölu á bifreiðum. Aðalsmerki Bíll.is í dag er þó glæsileg aðstaða og sýningarsalur á Malarhöfða. „Það má segja að Bíll.is sé einfaldlega flottasta bílasalan á landinu, þótt ég segi sjálfur frá,“ segir Hlynur Gylfason, eigandi Bíll.is. Hlynur tók við keflinu í nóvember 2016. „Við erum með um sjötíu bíla til sölu á staðnum og af þeim eru um tíu alveg nýir. Þetta eru mjög blandaðir bílar, allt frá fólksbílum og upp í sendiferðabíla af ýmsum tegundum. Við erum líka með mótorhjól, vélsleða, ferðavagna, kerrur og margt fleira. Til gamans má svo geta þess að við erum með tæplega 2.000 bíla og tæki á söluskrá hjá okkur,“ segir Hlynur. Því má heita afar líklegt að það farartæki sem viðskiptavinur leitar að sé að finna hjá Bíll.is. Þess má geta að hægt er að skrá bíla og tæki í söluskrá á vefsíðu Bíll.is án endurgjalds.
“Við erum mestmegnis með notaða bíla en einnig með nýja bíla sem við flytjum sjálf inn og erum með á alveg einstaklega góðu verði. Við flytjum að auki inn bíla eftir pöntun. Okkar meginmarkmið er að bjóða alltaf upp á besta verðið, bæði á nýjum og notuðum bílum. Það varð töluverð gengislækkun á nýjum bifreiðum fyrir stuttu og notuðu bílarnir hafa enn ekki fylgt eftir í því. En við hjá Bíll.is höfum verið mjög dugleg við að uppfæra verð á notuðum bílum eftir gengislækkunina og pössum alltaf upp á að hafa gott og rétt verð á bifreiðunum okkar,“ segir Hlynur.
Sýningarsalur Bíll.is er staðsettur að Malarhöfða 2, 110 Reykjavík.
Hægt er að hafa samband í síma: 577-3777 eða með því að senda póst á bill@bill.is.
Nánari upplýsingar má nálgast á vefsíðu fyrirtækisins bill.is eða á Facebook-síðunni.
