Námskeiðið HREINT MATARÆÐI
Janúar er gjarnan sá mánuður sem margir ætla að nýta til að taka á heilsumálum sínum. Sumir fara þá vegferð einir, en aðrir leita sér aðstoðar og fara þá á einhvers konar námskeið. Guðrún Bergmann er í hópi þeirra sem bjóða upp á námskeið sem hjálpar fólki að taka aðeins til í líkamanum, hvenær sem er ársins. „Ég er búin að halda stuðningsnámskeið við HREINT MATARÆÐI nokkur jafnt og þétt í tæp tvö ár, sem um 500 manns hafa sótt. Námskeiðin eru byggð á samnefndri bók eftir hjartasérfræðinginn Alejandro Junger, en ég er annar þýðandi hennar.“
Námskeið Guðrúnar taka 24 daga. Þar af eru þrír undirbúningsdagar og svo tuttugu og eins dags hreinsikúr á ákveðnu mataræði. „Það var fullbókað á fyrsta námskeið ársins 2017 löngu fyrir jól, örfá sæti eru enn laus á það næsta sem hefst 23. janúar og bókun er að hefjast á námskeið sem hefst 13. febrúar. Svo verð ég með námskeið í Grundarfirði í febrúar. Hægt er að skrá sig á öll námskeiðin á vefsíðunni minni, www.gudrunbergmann.is.“
„HREINT MATARÆÐI byggist á því að gefa ákveðnum fæðutegundum og bætiefnum tækifæri til að heila og gera við líkamann. Hreinsikúrinn er ekki hugsaður sem megrunarkúr, en hann leiðir yfirleitt til þess að meltingin batnar til muna, að bólga í líkama minnka, hægðir verði betri og reglulegri, þurrkur í húð lagast og bólur í andliti og liðagigtareinkenni minnka eða hverfa alveg. Að auki eykst gleði og ánægja og andleg líðan verður almennt betri. Bónusinn er svo að kynorkan eykst til muna og flestir léttast allt frá 2–3 kílóum og upp í 11–13 kíló,“ segir Guðrún.
Námskeiðshóparnir hittast á fjórum fundum meðan á hverju námskeiði stendur. Þess á milli eru dagleg samskipti í gegnum leynihóp á Facebook. „Ég er með fræðsluerindi á fundunum, ráðleggingar og leiðbeiningar og svara spurningum þátttakenda. Í lok námskeiðs hafa allir tekið einhverjum heilsufarslegum breytingum og ég segi gjarnan að á síðasta fundi sé salurinn „yfirlýstur“, því andlit allra ljóma svo.“
Guðrún segir að margir velji að halda sig við hreinna mataræði þegar námskeiði lýkur og til að mæta þörfum þeirra gaf hún út matreiðslubókina HREINT Í MATINN síðastliðið haust. Í henni er að finna uppskriftir að réttum án glútens, sykurs og mjólkurafurða.
Ummæli:
„Sé betur og betur hvað þetta er frábært námskeið og svo öfgalaust og skynsamlegt allt saman.“ – J.F. Reykjavík
„Viku eftir að 24ra daga kúrnum á HREINU MATARÆÐI lauk fór ég aftur í blóðrannsókn. Þá hafði kólesterólið lækkað úr 8, niður í 3,4, sykurmagn í blóði var dottið úr 6,5 niður í 5,4 og járnið, sem hafði verið of hátt var orðið eðlilegt.“ – Á.S. Reykjavík
„Svefninn hjá mér hefur stórlagast og sömuleiðis er ég mun orkumeiri. Meira að segja heilaþokan og verkirnir, sem gjarnan fylgja slæmri vefjagigt hafa stórlagast. Mig hafði lengi grunað að heilsufarsvandamál mín tengdust mikilli neyslu afurða frá „bræðrunum Nóa og Síríusi“, ásamt Freyju „frænku“ þeirra.“ – H.G. Garðabær
