Andy Airey hljóp hálfmaraþon á laugardaginn í góðgerðarskyni. Hann ákvað að hlaupa hálfmaraþon eftir að dóttir hans, Sophie Airey, tók eigið líf í desember. Hún var 29 ára að aldri þegar hún lést.
Sky hefur eftir Airey að hann hafi verið „staðráðinn í að láta eitthvað jákvætt koma út úr hörmulegum missi“ og hafi því safnað peningum til góðgerðarmála.
Sophie hvarf að heiman í desember. Lík hennar fannst nokkrum dögum síðar. Hún hafði tekið eigið líf.
Fyrir maraþonið skrifaði Airey á fjáröflunarsíðuna að Sophie hafi verið skráð í Northumberland hálfmaraþonið þann 23. febrúar 2019.
„Það þarf auðvitað ekki að taka fram að hún mun ekki hlaupa það en eftir samtöl við skipuleggjendurna hefur verið ákveðið að ég hlaupi í hennar stað.“
Auk hans hlupu eiginmaður Sophie, bróðir hans og vinkona Sophie. Eiginmaðurinn hljóp heilt maraþon.
Airey náði að safna 20.000 pundum með hlaupinu og enn eru peningar að safnast inn og vonast hann til að komast í 23.000 pund. Peningarnir renna til Papyrus samtakanna sem vinna að forvörnum meðal ungs fólks til að koma í veg fyrir sjálfsvíg.
