Þar segir að eyjarnar glími ekki við of mikla ásókn ferðamanna sem samt sem áður hafi viðkvæm náttúran á nokkrum viðkvæmum ferðamannastöðum fundið fyrir áhrifunum af fjölgun ferðamanna. Það þurfi að leggja hönd á plóginn til að tryggja að þessir staðir haldi glæsileika sínum og aðdráttarafli. Sjálfbærni sé markmiðið.
Af þessum sökum verður eyjunum lokað fyrir ferðamönnum fyrrgreinda helgi til að heimamenn geti sinnt viðhaldi þar sem þess er þörf. Þeir ferðamenn, sem eru reiðubúnir að taka þátt í verkefninu, fá þó að koma til eyjanna þessa helgi og vinna við endurbæturnar með heimamönnum.
Heimamenn munu ákveða hvaða svæðum þarf að hlúa að til að tryggja sjálfbærni ferðamannaiðnaðarins í eyjunum. Á heimasíðunni er sú ósk sett fram að fleiri lönd fylgi í fótspor þessara nágranna okkar og komi á laggirnar sínum eigin „viðhaldshópum“.
„Ferðamönnum hefur fjölgað um 10% í Færeyjum á undanförnum árum. Við tökum þeim opnum örmum en viljum um leið tryggja að álagið vegna ferðamennsku verði ekki of mikið.“
En ættum við Íslendingar að feta í fótspor frændfólks okkar í Færeyjum? Hvað finnst lesendum?
