Bílabankinn.is, Bílakjarnanum Eirhöfða 11
Bílabankinn var stofnaður árið 2005 og er staðsettur í Bílakjarnanum að Eirhöfða 11. Bílabankinn leggur sig fram um að veita vandaða og góða þjónustu allt frá því að bifreiðin er skráð inn þar til nýr eigandi hefur tekið við. „Við vinnum að því að verða ein af helstu bílasölum á Íslandi með því að stunda vönduð og heiðarleg vinnubrögð. Við erum með mjög gott útisvæði sem er vaktað með myndavélum, auk þess sem við erum með fjölda bifreiða á skrá. Við leitumst eftir að hafa okkar viðskiptavini sem ánægðasta,“ segir Árni Þór Jónsson, löggiltur bifreiðasali og einn af eigendum Bílabankans.
„Við erum með gott úrval af ódýrum bílum og höfum reynt að sinna þeim hluta markaðarins vel. Við bjóðum 100% fjármögnun. Það er bæði hægt að taka kortalán og fjármögnun í gegnum Pei.is án greiðslukorts. Pei.is lánar allt að einni og hálfri milljón án kreditkorts sem getur komið sér vel fyrir fólk sem hefur góða greiðslugetu en litla útborgunargetu. Auk þess er Bílabankinn í samstarfi við öll helstu fjármögnunarfyrirtæki sem fjármagna bifreiðakaup,“ segir Árni. Bílabankinn er með mjög mikið úrval af notuðum bílum og verðbilið er stórt.
Aðspurður hvort bílasala hafi farið vaxandi undanfarið segist Árni ekki hafa greint mikla aukningu í sölu notaðra bíla en þetta sé að breytast: „Ég held að 2017 verði stórt ár í notuðum bílum. Þetta ræð ég af því sem er að gerast á markaðinum þar sem margir hafa verið að endurnýja bílana sína, bæði einstaklingar og fyrirtæki. Við erum með mjög gott úrval af nýlegum bílum og kemur það ekki síst frá bílaleigum jafnt sem einstaklingum.“
Árni segir að margir velji þann kost þegar þeir endurnýja bílinn sinn að kaupa ársgamlan bíl því afföllin eru mikil af nýjum bílum. Hann segir jafnframt að salan nú orðið sé mjög jöfn allt árið en áður hafi orðið mikil aukning yfir sumarið og á haustin. Nú sé þetta jafnara og það stafi meðal annars af því mikla úrvali af nýlegum bílum sem kemur í sölu frá bílaleigum.
Árni tók við rekstri Bílabankans árið 2014 en hann segir að fyrirtækið hafi verið í fjölskyldu hans frá árinu 2006 og mestan tímann hafi hann starfað í fyrirtækinu. „Við erum tveir sem störfum hérna núna og óhætt er að segja að það er mikið að gera. Það vinnur enginn á þessari bílasölu án þess að hafa brennandi áhuga á bílum.“
Bílabankinn á Facebook
Bílabankinn.is er opinn virka daga frá 10 til 18 og laugardaga frá 12 til 15. Síminn er 588 0700. Á heimasíðunni bilabankinn.is eru ítarlegar upplýsingar um starfsemina, úrval bíla á sölu, fjármögnun, söluþóknanir og fleira. Einnig getur þú komið á staðinn og skráð bílinn þinn eða skráð hann hér.
