Hulda B. Waage var valin kraftlyftingakona ársins 2018. Hún á einnig fjölmarga bikar- og Íslandsmeistaratitla og hefur sett ófá Íslandsmet. Hulda er vegan og hefur verið það síðastliðin fimm ár. Hún er lifandi sönnun fyrir því að hægt er að vera sterk og öflug afreksíþróttakona án þess að borða kjöt eða aðrar dýraafurðir. Hulda heldur úti vinsælum Instagram aðgangi, @huldabwaage, þar sem hún deilir ýmsum fróðleik um veganisma, matargerð og lyftingar.
DV heyrði í Huldu og fékk að vita hvað hún borðar á venjulegum degi.
Hvernig er venjulegur dagur hjá þér?
„Ég vakna klukkan fimm á morgnanna og tek mér smá tíma í að vakna áður en ég fer á morgunæfingu. Eftir æfingu tek ég til dóttur mína fyrir leikskólann og skutlast með hana. Svo fer ég heim og fæ mér morgunmati og geri mig til fyrir vinnu,“ segir Hulda. Hulda sér um mötuneyti hjá Íslandsbanka á Akureyri. Hún klárar vinnu á milli hálf tvö og tvö og fer þá á seinni æfingu dagsins.
Á kvöldin fer Hulda yfirleitt í heitt bað, heita pott eða kaldakarið, gerir teygjuæfingar og fer að sofa klukkan átta.
Ákveðirðu fyrir fram hvað þú ætlar að borða eða ferðu eftir tilfinningunni hvern dag?
„Stundum er ég mjög skipulögð og það hentar mér mjög vel. En inn á milli dett ég í kæruleysi,“ segir Hulda.“
Hvaða vegan próteingjafar eru í uppáhaldi hjá þér?
„Tófú, tofurkey álegg, Hälsans Kök borgarar og TVP.“
Morgunmatur
Tvær lágkolvetna brauðsneiðar, með tofurkey áleggi, hálfu avókadó og grænmeti.
Hádegismatur
Tófú og salat. Nema það sé eitthvað meira spennandi í boði eins og fylltar tortilla kökur eða góð grænmetissúpa.
Millimál
Próteinsjeik og ávöxtur eða prótein pönnukökur frá Body&Fit og ávöxtur.
Kvöldmatur
Hafragrautur með frosnum bláberjum, eða eitthvað sem tælir mig meira eins og borgarar og pizza.
Hulda deilir hér tveimur einföldum og ljúffengum uppskriftum með lesendum.
Hráefni:
1 dós kjúklingabaunir
1 dós kókosmjólk
1stk grænmetis eða sveppakraftur
2msk pataks mild curry paste
2 gulrætur, 1 laukur, 1 græn paprika, 3 hvítlauksrif, brokkolí, 2 tómatar, 5 sveppir (eða bara það grænmeti sem þú átt)
Leiðbeiningar:
Grænmeti skorið og steikt upp úr örlitlu vatni eða smá olíu. Kókosmjólk, krydd og kraftur fer með í pottinn og suðan látin koma upp. Baunum bætt við og rétturinn borinn fram með grjónum. Gott er að toppa með kóríander og ferskum tómötum.
Hráefni:
1 dós kjúklingabaunir
15 g hlynsíróp
½ tsk kanill
1 tsk exstract (vanillu, mintu, romm, Maple)
80 g hnetusmjör
100 g suðusúkkulaði
Leiðbeiningar:
Allt sett í matvinnsluvél nema suðusúkkulaði og maukað vel. Saxa súkkulaði og bæta við með sleikju.
