Í mars tölublaði Architectural Digest sýna mæðgurnar Kris og Kylie Jenner lesendum nýjustu heimili sín, en tvær mismunandi forsíður eru í boði með sitt hvorri Jenner á sínu heimili.

Heimili Kris Jenner er hannað í samstarfi AD100 Waldo Fernandez og mæðginanna Kathleen og Tommy Clements og þar má finna fjölda klassískra húsgagna og hönnunarmuna frá 20 öldinni.

Jenner notar hins vegar fyrra heimili sitt sem sviðsmynd fyrir þættina um Kardashianfjölskylduna.

Heimilið er í Hidden Hills í Los Angeles stutt frá heimilum dætra hennar. Umfjöllunina má finna hér.

Sjá einnig: Heimili Kylie Jenner er bleikt og stórglæsilegt – Sjáðu myndirnar

„Ég hef safnað húsgögnum og skapað heimili alla mína ævi. Ég hef átt svo margar tegundir af heimilum í svo mismunandi stílum,“ segir Jenner, og hlær þegar hún rifjar upp sum af fyrri heimilum sínum. „Á níunda áratugnum þá leit svefnherbergið mitt út eins og fjólublátt blómaefni hefði ælt yfir það allt.“

Í dag kýs Jenner að halda heimilinu fyrir utan sviðsljósið. „Ég hef ekki jafn gaman af því að fara út og áður. Starf mitt er svo strembið og kaótískt. Ég er alltaf á fullu. Ég vil að heimili mitt sé eins og helgidómur, algjörlega rólegt og friðsælt.“

Jenner kom hönnuðum sínum á óvart með því að útskýra fyrir þeim hvernig hennar hugmynd að heimilinu væri og láta þeim svo alveg eftir að skapa heimilið. „Hún sagði að þetta væri ekki alveg í hennar eðli, en hún treysti okkur fullkomlega til að gera það sem við töldum rétt.“

„Hún er algjör stjórnandi, það er það sem hefur skapað árangur hennar. Hún er ekkert að drolla og hafa áhyggjur. Hún tekur ákvörðun og heldur áfram.“

Með þægindi og notalegheit að leiðarljósi sköpuðu hönnuðurnir heimili sem samanstendur af einlitum herbergjum með einstökum húsgögnum bólstruðum með silki, flaueli, sauðskinni og öðrum hágæðaefnum. Aðalsvefnherbergið er bjart og opið með aðgengi að sundlauginni og morgunverðarsvæðinu.

Litir poppa fram í nútímalistaverkum sem prýða veggina. „Listaverkin biðu eftir húsi,“ segir Jenner um verkin.

„Kris hefur mjög þroskaðan smekk. Húsið er frábært tækifæri fyrir hana til að sýna ást hennar fyrir listum og hönnun,“ segir Fernandez.

„Það er engin samkeppni um hvernig heimili okkar líta út,“ segir Jenner um heimili sitt og barna sinna. „Við erum svo heppin að búa nálægt hvert öðru og við njótum okkar á heimilum hvers annars. Ég er stolt af því að börnin mín hafa uppgötvað eigin persónuleika og ástríðu.“

Jenner er fyrst og fremst þakklát þegar kemur að hennar eigin heimili. „Ég bar fullkomið traust til hönnuðanna. Þegar kom að því að sýna mér heimilið, þá gekk ég inn í húsið og grét. Hvert einasta herbergi vakti gleði hjá mér. Í hverju horni var eitthvað fallegt, eitthvað skemmtilegt. Ég get ekki beðið eftir að koma heim á hverjum einasta degi.“

Á YouTube rás Architectural Digest eru einnig reglulega birt myndbönd af heimilum fræga fólksins. Heimilin eiga það flest sameiginlegt að vera einstaklega glæsileg og falleg.

Í nýjasta myndbandinu er litið inn á heimili Kris.