Hann telur rangt að láta óviljugt barn ganga í gegnum þá „vitleysu“ sem lífið er til að gleðja foreldra sína. Hann hefur líkt barneignum við „mannrán og þrælahald“.
Á Facebooksíðu sinni spurði hann fylgjendur sína nýlega af hverju fólk sé verðlaunað af samfélaginu fyrir að stunda óvarið kynlíf. Hann hefur ratað í fréttirnar öðru hvoru fyrir þessar óvenjulegu skoðanir sínar.
Hann tilheyrir hinni svokölluðu „anti-natalist“ hreyfingu í Indlandi en hún hefur verið að sækja í sig veðrið undanfarin misseri. Í henni er ungt fólk sem er ósátt við þann samfélagslega þrýsting sem er á það um að eignast börn.
Í samtali við The Print sagði Samuel að hann elski foreldra sína og samband þeirra sé gott en þau hafi eignast hann sér til gleði og ánægju. Hann sjái þó enga ástæðu til að eignast barn sjálfur til þess að láta það ganga í gegnum þá vitleysu sem lífið er. Sérstaklega í ljósi þess að börn biðji ekki sjálf um að vera búin til.