„Á gamlársdag opnum við klukkan ellefu og erum með opið í hádegismat og kvöldmat – erum með opið allan daginn. Klukkan níu um kvöldið byrjar DJ Veltan að þeyta skífum og hitar mannskapinn upp til miðnættis. Þá fara væntanlega flestir út að skjóta upp flugeldum eða horfa á dýrðina, en fljótlega upp úr miðnætti mun staðurinn fyllast fljótt aftur,“ segir Haraldur Anton Skúlason, eigandi Lebowski-bars á Laugavegi, en þar er jafnan líf og fjör um áramótin.

„Eftir miðnætti tekur svo DJ Ragga Hólm við og heldur partíinu gangandi fram undir morgun. Við verðum síðan með rosa góð tilboð á kampavíni og freyðivíni. Enn fremur verður sérstakur áramótakokteill á tilboði.“

Lebowski-bar verður með opið fram til kl. 5.30 á nýársmorgun og lofar Haraldur Anton einu besta áramótapartíi landsins.

„Þetta verður án efa eitt stærsta og flottasta gamlárspartí í Reykjavík. Undanfarin ár hefur verið alveg brjáluð stemning og ég hef fulla trú á að það endurtaki sig núna. Ég held að fólk byrji snemma að streyma inn og komi sér vel fyrir í Happy Hour sem byrjar um fjögurleytið og verður eflaust stappað framundir lokun á nýársmorgun,“ segir Haraldur Anton.

Lebowski-bar er á Laugavegi 20a. Heimasíða staðarins er lebowski.is og þú finnur Lebowski-bar líka á Facebook.