Martin Lipton blaðamaður á Englandi segir að Mauricio Pochettino, stjóri Tottenham sé byrjaður að hljóma eins og Arsene Wenger.

Lipton segir hins vegar að Pochettino gæti haft rétt fyrir sér en Tottenham féll úr deildarbikarnum og enska bikarnum á síðustu dögum.

Pochettino hefur sagt að Meistaradeildarsæti skipti meira máli en fyrir Tottenham að vinna bikar, Lipton segir það sé líklega rétt hjá Pochettino.

,,Pochettino er byrjaður að hljóma eins og Wenger, það sorglega er samt hins vegar að þetta er líklega rétt,“ sagði Lipton.

,,Í dag skiptir ekkert annað máli en peningar, ekki bikarar,“ sagði Lipton og vísar til þess að sæti í Meistaradeildinni tryggi miklu meiri fjármuni en sigur í enska bikarnum.

,,Stuðningsmenn kaupa þetta ekki og þeira eiga rétt á því, þeim dreymir um dag á Wembley og að sjá fyrirliða sinn lyfta bikar á loft.“

,,Hvað er það sem heldur Eriksen, Dele Alli og Harry Kane hjá Tottenham? Það er Meistaradeildin en ekki sigur í deildarbikarnum.“