Nýlega fór Scarlet Benjamin, 11 mánaða, til að prófa heyrnatæki í fyrsta sinn og deildi fjölskylda hennar upptöku af þessari mögnuðu stund á Facebook. Myndbandið hefur farið sigurför um netheima enda eru viðbrögð Scarlet ólýsanleg þegar stóra systir hennar segir tvö orð við hana en þau eru: „Baby sister“ (litla systir).

Scarlett fæddist þremur mánuðum fyrir tímann og fékk slæma bakteríusýkingu á fyrstu dögum ævinnar og missti heyrnina að hluta.

Móðir hennar segir að læknar í Georgíu í Bandaríkjunum, þar sem fjölskyldan býr, hafi ekki náð að lesa út úr myndum sem voru teknar af henni og því var ekki vitað með vissu hversu mikið heyrnarleysi hennar væri. Við tóku endalausar ferðir til lækna. Móðir hennar segist hafa verið þess fullviss að Scarlet heyrði ágætlega en eftir það sem hún varð vitni að þegar hún prófaði heyrnartæki í fyrsta sinn sé ljóst að hún hafi ekki heyrt eins vel og talið var.

„Heyrnartæki gjörbreyta öllu!“

https://www.youtube.com/watch?v=hgjC68KOjSQ&feature=youtu.be