Lífið væri ekki eins skemmtilegt ef að mannfólkið riði bara til gagns. Stór partur af lífshamingjunni, að minnsta kosti hjá flestum, er að stunda kynlíf og uppfylla lostafullar hvatir sínar, sem blessunarlega eru mismunandi frá manni til manns. Upplifun okkar af kynlífi getur líka verið afar mismunandi þótt makinn sé sá sami. Stundum kemur andinn yfir fólk og stundin er frábær en öðrum stundum er upplifunin ekkert sérstaklega eftirminnileg. Sjálfstraust spilar líka stóra rullu og báðar aðilar, nú eða fleiri, þurfa að treysta sér til þess að opna sig, leggja spilin á borðið og segja hvað þeir vilja.

Kynlífsráðið almáttuga, sem vísað er til í fyrirsögn, er nefnilega það að hlusta á makann. Hvað finnst honum gott og hvað kemur honum til. Að því að gefnu að það sé eitthvað sem þér gæti hugnast þá skaltu uppfylla þessar langanir.

Þetta segir kynlífsfræðingurinn Nicole Prause í samtali við New York Magazine. Í rannsókn frá 2012 þar sem 6000 konur tóku þátt þá voru niðurstöðurnar á þá leið að ánægja þeirra í kynlífi jókst eftir því sem bólförum fjölgaði. Það er, eftir því sem konurnar lærðu meira inn á sig því betra varð kynlífið.

Prause tók sérstaklega fram að ef aðili er með óhefðbundnar kynlífslanganir þá er kannski ekki sniðugt að slengja þeim strax fram. „Ég vil að þú skítir á bringuna á mér“ væri til dæmis ekki heppileg lína á fyrsta stefnumóti. Sniðugra væri að byrja rólega, til dæmis: „Jiii, mér finnst svo kynæsandi þegar þú skellir þér á dolluna“ og vinna sig síðan áfram.

Þannig að, byrjaðu að hlusta í dag. Flóknara er það ekki.