Bjóða upp á fallegar og góðar umgjarðir á frábæru verði
Gleraugnaverslunin Eyesland opnaði nýtt flaggskip á Grandagarði 13, 22. nóvember síðastliðinn. Rífandi stemning var við opnunarteitið sem haldið var 1. desember og mættu allt að hundrað manns. Í Eyesland kennir ýmissa grasa í gleraugum og öllu sem því tengist. Frá því árið 2010 hefur Eyesland verið starfandi í Glæsibæ. Verslunin varð upphaflega til vegna aukinnar eftirspurnar á góðum og ódýrum gleraugum. “Síðan þá hefur fyrirtækið vaxið og dafnað enda bjóðum við upp á frábæra vöru á enn betra verði,” segir Maríanna Jónsdóttir verslunarstjóri og sjóntækjafræðingur sem hefur unnið hjá Eyesland síðan 2014 og er með BS gráðu í sjóntækjafræði frá Danmörku.
Eyesland býður upp á gríðarlegt úrval af gleraugnaumgjörðum, sólgleraugu með og án styrks, allar gerðir af linsum, sjónmælingar og fyrsta flokks glerslípun. “Við erum með nýjustu og nákvæmustu tækin á markaðnum, bæði í glerslípun og sjónmælingum. Nýverið fjárfesti Eyesland í margra milljóna króna græju, þeirri nýjustu á markaðnum, sem slípar gler af ótrúlegri nákvæmni. Harald Kristófersson, sjóntækjafræðingur er með áralanga reynslu í glerslípun og hefur unnið við fagið í 40 ár.”
Í Eyesland er einnig ótrúlegt úrval af íþróttagleraugum á mjög góðu verði. “Við flytjum inn og slípum bogið gler og linsur sem passa í íþróttagleraugu. Það fást með og án styrks og jafnvel margskipt. Gleraugun eru tilvalin fyrir alla íþróttamenn eins og sportveiðimenn, hjólreiðamenn, golfara og hlaupara. Við erum líka með sérstaka myndavél sem gerir margs konar mælingar til að fá mestu gæðin út úr íþróttagleraugunum svo að þau passi sem best og séu sem straumlínulöguðust,” segir Maríanna.
“Við reynum að vera með eins fjölbreytt úrval og mögulegt er, þannig að við getum boðið upp á umgjarðir á öllum verðskalanum. Við flytjum inn hvaðanæva úr heiminum. Til dæmis erum við með umgjarðir frá Ameríku og verslum einnig mjög mikið við tvo aðila í Evrópu. Annað er ítalskt fyrirtæki og hitt er frá Bretlandi. Centrostyle eru á Ítalíu og hanna afar léttar og skemmtilegar plastumgjarðir. Upphaflega hönnuðu þeir eingöngu fyrir börn, en þar sem foreldrarnir heilluðust af umgjörðunum er fyrirtækið nú komið með virkilega fallegar línur fyrir fullorðna líka.” Nýjasta frá Centrostyle eru sólgleraugu sem festast á umgjörðina með segli. “Þessar eru ótrúlega hentugar og gríðarlega vinsælar,” segir Maríanna.
“Hitt fyrirtækið sem við verslum einnig mikið við eru breskir og heita Eyespace. Þeir eru með nokkrar gleraugnalínur og heitir ein þeirra Cocoa Mint. Línan inniheldur bæði gleraugu og sólgleraugu. Sólgleraugun eru sjúklega falleg og á fáránlega góðu verði. Þeir unnu meðal annars Optician awards hönnunarverðlaunin fyrir umgjörð ársins.” Jensen er önnur mjög vinsæl lína frá Eyespace. Um er að ræða mjög fallega herragleraugu. “Við hjá Eyesland erum með báðar línurnar og nokkur Rock Star barnagleraugu frá þeim. Einnig flytjum við inn gleraugnaumgjarðir frá Crocks, sem eru með mjúkum gúmmíörmum. Svo höfum við fengið inn franskt merki sem heitir Easytwist. Þær umgjarðir má beygla og beygja fram og til baka.”
Einnig fæst töluvert úrval af stækkunarglerjum hjá Eyesland. “Við erum svo með gamaldags og netta leikjhúskíkja sem eru æðislega fallegir. Þessir eru alveg nauðsynlegir í Eldborg í Hörpunni. Þetta er klárlega jólagjöfin í ár,” segir Maríanna.
Eyesland er staðsett að Álfheimum 74, 5. hæð, 104 Reykjavík og Grandagarði 13, 101 Reykjavík.
Í Álfheimum er opið alla virka daga 8:30-17:00.
Á Grandagarði er opið alla virka daga 10:00-1800 og laugardaga 11:00-16:00.
Hægt er að hafa samband í síma 510-0110 eða með því að senda tölvupóst í eyesland@eyesland.is
Nánari upplýsingar má nálgast á vefsíðu Eyesland.
Brot af því úrvali umgjarða sem fást hjá Eyesland:
