Engin jörð -Engin jól
Hafþór Júlíus Björnsson, betur þekktur sem Fjallið, er sannarlega orðinn einn þekktasti kraftajötunn heims.
Hafþór, sem hefur til að mynda leikið í sjónvarpsþáttunum Game Of Thrones, gerði fyrr á árinu auglýsingasamning við fyrirtækið Sodastream.
Hann hefur leikið í nokkrum sjónvarpsauglýsingum fyrir Sodastream og setið fyrir í myndatökum á vegum fyrirtækisins.
Nýjasta auglýsingin, sem þykir nokkuð furðuleg, er tekin upp í matvöruverslun. Þar skelfir Hafþór, klæddur upp sem jólasveinn, búðargestina. Þá gefur hann þeim góð ráð og Sodastrem tæki fyrir það eitt að hugsa betur um jörðina.
En slagorð auglýsingarinnar er einmitt. Engin jörð -Engin jól.