,,Það er rétt, ég var þarna,“ sagði Jose Mourinho um þær sögur um að hann hefði falið sig í þvottakörfu árið 2005. Mourinho hefur aldrei viljað staðfesta þessar fréttir, þær eru réttar.

Mourinho var dæmdur í tveggja leikja bann árið 2005 þegar hann var stjóri Chelsea, og mátti ekki vera í klefanum fyrir leiki gegn FC Bayern. Hann fór ekki eftir þeim reglum.

Mourinho mætti um miðjan dag og fór inn í klefa, þar var hann fram að leik, hann horfði á stærstan hluta leiksins þar og kom skilaboðum á bekkinn. Menn á vegum UEfA vildu vita hvar Mourinho væri, hann þurfti því að koma sér úr klefanum, þar var hann nálægt því að deyja.

,,Þetta var stórleikur gegn Bayern og ég varð að vera með leikmönnum. Ég fór inn í klefa um miðjan dag og leikurinn var ekki fyrr en um kvöldið. Ég sat bara í klefanum og beið eftir leikmönnum, það sá mig ekki nokkur maður. Vandamálið var að koma sér burt.“

,,Búningastjórinn setti mig í körfuna, hann skildi eftir smá op svo ég gæti andað. Svo þegar við erum að fara úr klefanum og hann er að rúlla mér þarna, þá koma starfsmenn UEFA og vilja finna mig.“

,,Búningastjórinn lokaði því kassanum, ég gat ekki andað. Þegar hann loksins opnaði, þá var ég að deyja. Ég er að segja það í alvöru, ég var að missa andann. Þetta er satt.“