Mætti dauðadrukkin, afklæddi sig og káfaði á yfirmanni
Fyrrum glamúrfyrirsætan og raunveruleikastjarnan Katie Price, sem er jafnframt þekkt undir nafninu Jordan, setti jólapartý sem hún var ráðin til að mæta í á aðra hliðina í vikunni.
Katie sem mætti dauðadrukkin í veisluna afklæddi sig og bauð konunum á svæðinu að koma við brjóstin á sér. Þá káfaði hún á framkvæmdastjóra fyrirtækisins og spurði hvort hann vildi frekar stunda kynlíf með sér eða eiginkonu sinni seinna um kvöldið.
Breskir fjölmiðlar greina frá málinu í dag en Katie fékk háa fjárhæð til að mæta og vera viðstödd veisluna.
Katie, sem er fimm barnamóðir, var einnig mjög dónaleg þegar starfsmenn voru verðlaunaðir fyrir vel unnin störf á árinu. Hún kallaði þau öllum illum nöfnum á meðan á verðlaunaafhendingunni stóð. Þá spurði hún konu með stutt hár hvort hún væri með krabbamein og móðgaði unglingsstúlku sem var í veislunni með móður sinni.
Framkvæmdastjóri fyrirtækisis hefur krafist þess að fá endurgreitt og segir að Katie hafi gert að verkum að veislan fór úr böndunum.
„Hún var drukkin þegar hún mætti og þegar leið á kvöldið þá varð hegðun hennar verri og verri. Þetta var algjör martröð.“
