Þitt eigið leikrit Ævars vísindamanns – Áhorfendur taka virkan þátt í sýningunni
Þitt eigið leikrit eftir Ævar Þór Benediktsson, eða Ævar vísindamann, verður frumsýnt í Þjóðleikhúsinu þann 25. janúar í Kúlunni.
Söguheimurinn er norræna goðafræðin, full af hrikalegum hetjum og stórhættulegum skrímslum.
Áhorfendur eru virkir þáttakendur í sýningunni og hafa áhrif á söguna, líkt og lesandi bóka Ævars, allt frá því hver er aðalpersóna leikritsins til þess hverju viðkomandi klæðist.
Engar tvær sýningar verða eins, því áhorfendur ráða því hvað gerist og kjósa reglulega um framvinduna með fjarstýringum. Engar tvær sýningar verða því eins og alls verður um 1294 útgáfur að ræða.
Muntu sigra Miðgarðsorminn eða gleypir hinn hræðilegi Fenrisúlfur þig? Ætlarðu að gerast barnapía fyrir Loka eða líst þér betur á að verja sjálfa Valhöll fyrir jötnum og hrímþursum?
Ævintýraleg og spennandi sýning, þar sem allt getur gerst!
Leikarar í sýningunni eru: Baldur Trausti Hreinsson, Hilmir Jensson, Lára Jóhanna Jónsdóttir, Snorri Engilbertsson og Sólveig Arnarsdóttir.
Höfundur: Ævar Þór Benediktsson
Leikstjórn: Stefán Hallur Stefánsson
