Merkilegar breytingar verða á hinum gróna og vinsæla sportbar Blásteini, Hraunbæ 102a, frá og með áramótum. „Nýtt teymi tekur við eldhúsinu og því munum við koma með spennandi nýjan matseðil fyrir viðskiptavini okkar. En þetta mun hafa í för með sér að við förum að opna í hádeginu og bjóða upp á hádegismat. Þetta fer af stað strax upp úr áramótahelginni,“ segir Skúli Þór Sveinsson, eigandi Blásteins.
Bombay Bazaar, indverski veitingastaðurinn sem hefur verið starfræktur undanfarin ár í Kópavogi við frábæran orðstír, mun opna við hlið Blásteins og bjóða upp á mat til að taka með sér og til að sitja inni og snæða.
Fjölmargir leikir eru í enska boltanum á gamlársdag og sumir þeirra býsna stórir. Fáir sportbarir hafa opið á gamlársdag en allir eru velkomnir á Blástein og þar verða allir leikirnir sýndir í beinni útsendingu en leikir eru bæði sýndir á breiðtjaldi og flatskjáum. Boltatilboð verða á bjór, tveir á 1.500 og tíu á 6.500.
Eftirtaldir leikir verða á dagskrá:
Kl. 15:
Chelsea – Stoke
Burnley – Sunderland
Southampton – WBA
Swansea – Bournemouth
Man. Utd. – Middlesbr.
Leicester – West Ham
Kl. 17.30:
Liverpool – Man. City
Opið verður til eitt um nóttina og því hægt að fagna nýju ári á Blásteini í góðum gleðskap.
Blásteinn leigir út veislusal sem tekur um 70 manns í sæti. Veitingar og önnur veisluþjónusta er einnig í boði en viðskiptavinir ráða því sjálfir hvort þeir koma með veitingar eða kaupa veitingar af staðnum. Til að fá nánari upplýsingar um veisluþjónustuna og aðra starfsemi Blásteins er best að hringja í síma 8480275.
