Fullyrt er að Florentio Perez, forseti Real Madrid sé byrjaður að ræða við umboðsmann Jose Mourinho um að snúa aftur.

EKki er mánuður síðan að Mourinho var rekinn frá Manchester United en hann hafnaði Benfica á dögunum.

Real Madrid er á öðrum þjálfaranum á þessari leiktíð en það er farið að hitna vel undir Santiago Solari í starfi.

Mourinho vill þó ekki fara strax út í þjálfun en hann hefur ráðið sig í sitt fyrsta verkefni eftir brottreksturinn.

Mourinho verður sérfræðingur hjá Bein Sport núna á næstu vikum þegar Asíukeppnin fer fram en þar á hann að greina helstu stjörnur mótsins.

Mourinho fær vel borgað fyrir svona verkefni enda vakti hann mikla lukku sem sérfræðingur á HM, á síðasta ári.