Þetta segir Casey King í þættinum ´Family by the Ton´ en í þáttunum er fylgst með fólki og fjölskyldum sem glíma við ofþyngd og baráttu þeirra við kílóin. Casey var alltaf „stór strákur“ en á unglingsárunum fór ástandið úr böndunum þegar hann fór að vinna á skyndibitastöðum og byrjaði að borða mikið af skyndibitamat. Þá missti hann alla stjórn á þyngdinni.
Þyngdin og þar af leiðandi stærð hans gerði honum erfitt fyrir með að vinna og hann ákvað því á endanum að hætta að vinna. Þá bjó hann heima hjá móður sinni en þegar honum var sparkað þaðan út flutti hann heim til föður síns. Þar fær hann að haga lífi sínu eins og hann vill. Það þýðir meðal annars að mataræðið samanstendur af pizzum, kjúklingi, japönskum skyndibitamat og sushi í miklu magni. Þetta hefur leitt til þess að nú vegur Casey rúmlega 300 kíló.
Hann eyðir megninu af tíma sínum í herberginu sínu þar sem hann horfir á sjónvarp eða situr nakinn og spilar tölvuleiki. Hann býr í Georgíu í Bandaríkjunum og þar er yfirleitt heitt í veðri og því finnst honum óþægilegt að vera mikið klæddur inni við.
„Ég vakna um klukkan 12 og byrja þá á að ákveða hvað ég vil borða. Síðan er það sjónvarp, tölvuleikir, rúmið. Þetta er ekki mjög aktíft líf. Ég sit bara nakinn, eins frjálslegur og hægt er, og enginn truflar mig, dyrnar eru lokaðar svo allt er í góðu lagi.“
Segir Casey sem virðist ekki eiga sér stóra framtíðardrauma.
„Þetta endar örugglega með að ég borða mig í hel.“
