Manchester City vann gríðarlega mikilvægan sigur í ensku úrvalsdeildinni í gær er liðið mætti toppliði Liverpool. Það var mikið undir á Etihad en Liverpool gat komist tíu stigum á undan City á meðan heimamenn gátu minnkað forystuna niður í fjögur stig.
Liverpool byrjaði leikinn af krafti og fékk tvö hættuleg færi í byrjun. Í eitt skiptið hreinsaði John Stones boltann burt af línunni. Það var hins vegar City sem tók forystuna er Sergio Aguero skoraði framhjá Alisson í marki Liverpool af stuttu færi.
Staðan var 1-0 í hálfleik en Liverpool tókst svo að jafna er Roberto Firmino kom knettinum í netið eftir sendingu Andy Robertson. Það var ekki jafnt lengi en ekki löngu síðar skoraði Leroy Sane svo aftur fyrir City eftir laglega sókn.
Eftir leik stökk Benjamin Mendy bakvörður City inn á völlinn en hann var meiddur. Aðili úr öryggisgæslunni þekkti hann hins vegar ekki og hljóp á eftir honum, hann áttaði sig svo á mistökum sínum.
Mendy var mættur til að faðma Kun Aguero og skrifaði síðar á Instagram. ,,Ég elskaði þig meira en konuna þína.“
