Þetta sagði Jimmy McDuffie, lögreglustjóri í Effingham sýslu í Georgíu í Bandaríkjunum á fréttamannafundi fyrir viku þegar hann skýrði frá morðum á 14 ára systkinum. Lík þeirra höfðu þá fundist grafin í garðinn við heimili þeirra.
Bandarískir fjölmiðlar, þar á meðal Time, hafa fjallað um málið að undanförnu.
Elwyn Crocker Jr. hvarf 2016 þá 14 ára. í nóvember hvarf systir hans, Mary Crocker, þá 14 ára. Lík þeirra fundust síðan í síðustu viku grafin í garðinum við heimili fjölskyldunnar.
Faðir þeirra, Elwyn Crocker Sr, og eiginkona hans, Candice Crocker, hafa verið handtekin vegna málsins sem og móðir Candice, Kim Wright. Þau eru öll grunuð um að hafa misþyrmt systkinunum og að hafa leynt dauða þeirra. Roy Anthony Prater, unnusti Kim, hefur einnig verið handtekinn vegna málsins en hann er einnig grunaður um fíkniefnamisferli. Þriðja barninu var komið í umsjá barnaverndaryfirvalda.
Það var ábending, sem lögreglunni barst, sem leiddi til þess að lögreglumenn heimsóttu Elwyn Crocker Sr. í vinnuna en hann starfaði sem jólasveinn í Walmart. Eftir viðræður við lögreglumennina vísaði hann þeim á grafir systkinanna í garðinum.
Ekki hafði verið tilkynnt um hvarf systkinanna og dánarorsök þeirra liggur ekki fyrir en réttarmeinafræðingar vinna nú að rannsókn á líkunum til að geta skorið úr um dánarorsökina.
„Stærsta spurningin sem við spyrjum okkur nú er hvernig lítill drengur getur verið horfinn í tvö ár án þess að nokkur tilkynni það.“
Sagði Gena Sullivan, talskona lögreglunnar, um málið. Lögreglan er einnig að reyna að hafa upp á móður systkinanna en talið er að hún sé heimilislaus og haldi til í Suður-Karólínu.
