Ljósmyndarinn Samantha Bishop, sem búsett er í Georgíu í Bandaríkjunum, fékk heldur óvenjulegt ljósmyndaverkefni núna fyrir jólin, og það frá móður hennar, Lisu Bishop.
Lisa vildi gefa manninum sínum ljósmyndamöppu í jólagjöf, með myndum af henni sjálfri. Svona pínu kynþokkafullar myndir eins og konur eiga til að gefa mönnum sínum við góð tilefni. En í tilfelli Lisu voru myndirnar nokkuð sérstakar.
„Ok mamma vildi að ég tæki myndir af henni, með einu skilyrði, að þær væru teknar í baði fullu af garni,“segir Samantha. „Ég kalla myndaseríuna Amma verður villt (Grandma: Gone Wild).“
„Hún gaf pabba myndamöppuna í jólagjöf og viðbrögð hans gerðu verkefnið 1000 sinnum betra.“
