Sara Barðdal Þórisdóttir er ÍAK einkaþjálfari, heilsumarkþjálfi og stofnandi hiitfit.is. Hún hjálpar konum að verða heilsuhraustari og hamingjusamari í gegnum námskeið og þjálfanir á vegum hiitfit.is 

Í desember er jóladagatal á síðunni þar sem þú færð hugmyndir af stuttum og raunsæjum skrefum til þess að halda líkamlegri og andlegri heilsu í góðu jafnvægi fram að jólum – og inn í nýja árið.

Glugginn fyrir 18. desember bauð upp á áskorun: Drekktu 2,5 til 3 lítra af vatni í dag!

Af hverju?

Af líkamsþunga þínum telja um 60% vatn. Á degi hverjum tapast þó um 2-2,5 lítrar af vatni úr líkama þínum meðal annars með því að flytja úrgangsefni sem verða til í efnaskiptum með þvagi úr líkamanum, það gufar upp frá lungum með útöndun og frá húðinni sem sviti og tapast með hægðum.

Til þess að halda jafnvægi í líkamanum er mikilvægt að bæta þetta tap upp en líkaminn hjálpar til við jafnvægið með því að kalla eftir því að þú fyllir á vatnsbyrgðirnar, en þá finnurðu fyrir þorsta. Vegna þessa eru ekki gríðarlegar líkur á ofþornun en hættan eykst þó talsvert þegar þú hreyfir þig mikið eða ert veik með tilheyrandi svita, niðurgangi eða uppköstum. Hafðu samt í huga að þó þú finnir ekki fyrir þessum þorsta þá þarf líkaminn samt á vatninu að halda. Það getur nefnilega einnig gerst að þessi skilaboð líkamans um að það vanti vatn skolist aðeins til og við talið okkur vera svöng þegar við erum í raun þyrst. Því er ótrúlega gott ráð að fá sér vatnsglas fyrir hverja máltíð, hvort sem þú finnur fyrir þorsta eða ekki.

Hverju getur aukin vatnsdrykkja stuðlað að?

• Betri meltingu
• Örvun á heilastarfsemi
• Þyngdartapi
• Heilbrigðari húð
• Kemur í veg fyrir hausverk
• Aukinni orku

Í dag skaltu setja þér það markmið að vökva líkamann einstaklega vel! Og helst ekki eingöngu í dag, haltu endilega halda áfram með þennan vana, þó ekki sé nema yfir hátíðarnar þar sem saltur og þungur matur er oftar borinn á borð heldur en mörg okkar eru vön. Hér eru þrjú einföld skref sem geta aukið vatnsdrykkjuna þína talsvert á degi hverjum:

• Byrjaðu daginn á góðu vatnglasi, áður en þú færð þér morgunmat! Eftir nóttina þarf líkaminn á vökvun að halda og því nauðsynlegt að fylla á vatnsbyrgðirnar áður en lengra er haldið.
• Vertu með góðan og þægilegan vatnsbrúsa við höndina í allan dag en þá ertu líklegri til þess að fá þér sopa öðru hverju í gegnum daginn. Taktu þér smá göngutúr að vaskinum strax og vatnsbrúsinn er tómur, þú hefur líka gott af því að standa upp!
• Fáðu þér eitt vatnsglas fyrir hverja máltíð!

Skrá má sig í jóladagatalið hér.