Ólafur Darri Ólafsson er í hópi stórleikara sem tala inn á nýja seríu Netflix, Dark Crystal: Age of Resistance.

Þættirnir eru brúðuþættir, tíu talsins og eru byggðir á heiminum sem brúðumeistarinn Jim Henson skapaði í kvikmyndinni Dark Crystal árið 1982 og er þáttaröðin framleitt í samstarfi við The Jim Henson Company. Sýningartími þáttanna er ekki kominn á hreint, en aðeins er notast við handgerðar brúður og engar tölvubrellur notaðar.

Á meðal annarra leikara sem tala inn á þættina eru Eddie Izzard, Helena Bonham Carter, Mark Hamill, Simon Pegg, auk Game of Thrones leikaranna Natalie Dormer og Ralp Ineson.