Berglind Festival hélt áfram yfirferð sinni yfir það helsta sem huga þarf að í jólaundirbúningnum í nýjasta þætti sínum í Vikunni með Gísla Marteini á RÚV.

Agnes M. Sigurðardóttir biskup Íslands sagði að fyrir henni væru jólin meira en uppskera kapítalismans, Brynja Jónbjarnardóttir hagfræðingur var ekki sammála því.

Undirbúningurinn fyrir þessi herlegheit getur tekið allt að 300 daga að sögn Berglindar. Árni Björnsson þjóðháttafræðingur ræddi um fornar jólahefðir.

Malt- og appelsínstelpan, Þorbjörn Erna Mímisdóttir, er orðin stór. Og Jesúbarnið, Einar Þorsteinsson, fjallar um hvernig er að vera fæddur á jólum.

Rauðhærði rokkarinn lokkaprúði Eiríkur Hauksson kíkti við, og lokaatriðið mun slá í gegn, eða ekki.