Á föstudaginn kemur, 14. desember, fer fram Twitter-maraþon lögreglunnar, svokallað „Löggutíst.“

Í löggutístinu munu Lögreglan á Norðurlandi eystra, Lögreglan á Suðurnesjum og Lögreglan á höfuðborgarsvæðinu nota samfélagsmiðilinn Twitter til að segja frá öllum verkefnum sem koma á borð þessara lögregluliða frá því kl. 16 á föstudag til kl. 04 á laugardagsmorguninn.

Tilgangur viðburðarins er að gefa almenningi innsýn í störf lögreglu með því að fylgjast með útköllum sem henni berast, fjölda þeirra og hversu margvísleg þau eru.

Á meðan á viðburðinum stendur munu embættin nota #-merkið #löggutíst til að merkja skilaboðin.

Lögreglan á höfuðborgarsvæðinu mun tísta frá sínum notendaaðgangi: @logreglan

Árlegt #löggutíst á föstudaginn – sagt frá öllum verkefnum lögreglu á 12 tíma bili. Vonandi að sem flestir fylgist með. Verðum í góðum hópi með @LogreglanNE og @sudurnespolice

— LRH (@logreglan) December 12, 2018

Lögreglan á Norðurlandi eystra mun tísta frá sínum notendaaðgangi: @logreglanNE

Það stefnir allt í gott föstudagskvöld um næstu helgi. Hendum í eitt maraþon sem ber titilinn #löggutíst. Höfum heyrt af hinum ýmsu leikjum sem að menn skella í, á meðan fylgst er með okkur vinna. Endilega fylgjast með.

— LögreglanNorðEystra (@LogreglanNE) December 10, 2018

Lögreglan á Suðurnesjum mun tísta frá sínum notendaaðgangi: @sudurnespolice

Löggutíst framundan á föstudaginn #löggutíst

— Police Sudurnes (@sudurnespolice) December 10, 2018