„Mér líður illa með þennan frest og traust mitt á kerf­inu er orðið æði þunnt. Þetta er áfram­hald­andi ill meðferð og kúg­un,“ sagði Erla Bolladóttir á blaðamannafundi síðdegis í dag. Þetta kemur fram á mbl.is en DV greindi frá því fyrr í dag að endurupptökunefnd vegna Guðmundar- og Geirfinnsmála muni ekki birta niðurstöðu sína um hugsanlega endurupptöku málsins fyrr en á næsta ári. Erla sótti um endurupptöku á málinu árið 2014 og til stóð að nefndin myndi skila niðurstöðunni í þessum mánuði.

Í af­rit af bréfi End­urupp­töku­nefnd­ar sem Erlu barst í gær kemur fram að nefnd­inni hafi borist frétt­ir af því að ein­stak­ling­ur búi mögu­lega yfir upp­lýs­ing­um um hvarf Geirfinns og er úrskurðinum því frestað á meðan sett­ur rík­is­sak­sókn­ari skoðar málið.

Mynd: DV ehf / Sigtryggur Ari

Á blaðamannafundinum í dag sagði Erla að hún hefði sóttum end­urupp­töku á þeim for­send­um að frá upp­hafi ranns­sókn­ar hefðu lög verið brot­in og í gegn­um málsmeðferð alla, og að end­urupp­töku­nefnd ætti taka af­stöðu til þess hvort taka eigi upp málið á þeim for­send­um. Eftir margra mánaða bið hafi hún búist við að fá úrskurður nefndarinnar lægi nú fyrir.

Þá sagði hún stundum hallast að því að ástæðan fyrir þessum töfum á störfum nefndarinnar væri hræðsla. „Ég hef giskað á að þeir séu hrædd­ir,að hæsta­rétt­ar­lög­menn ótt­ist að koma fram fyr­ir hæsta­rétta­dóm­ara með þetta.“