Við erum komin vel inn á 21. öldina og MeToo-byltingin er búin að vera fyrirferðamikil í umræðunni að undanförnu. En hefur umræðan undanfarin misseri skilað einhverju í raun og veru?
Nýlega framkvæmdu tveir Ástralir, hin 22 ára Tyler og jafnaldri hennar, Nathan, áhugaverða tilraun. Tilraunin var í raun einföld en þau komu sér fyrir við fjölfarna umferðargötu og þóttust taka af sér sjálfsmynd. Fólst tilraunin í að kanna hversu mikil viðbrögð þau fengju frá vegfarendum og hvort Tyler fengi kannski meiri viðbrögð.
Það er skemmst frá því að segja að karlkyns ökumenn – og farþegar þeirra – hafi sýnt Tyler meiri áhuga en Nathan. Allskonar hróp voru gerð að henni, ökumenn flautuðu og einn bað hana um að sýna á sér brjóstin. Nathan fékk engin slík viðbrögð.
Tilefni þessarar litlu tilraunar var umfangsmiki könnun meðal ungs fólks sem Macquarie University stóð fyrir. Niðurstöðurnar sýndu að við eigum enn langt í land hvað kynferðislega áreitni varðar. Þannig sögðust 40 prósent kvenna, á aldrinum 18-25 ára, hafa orðið fyrir kynferðislegri áreitni úti á götu á síðustu tólf mánuðum.
Alls fékk Tyler átta athugasemdir á þeim átta mínútum sem tilraun hennar stóð yfir. Til samanburðar fékk Nathan enga athugasemd.
Myndband af tilrauninni má sjá hér að neðan:
