Samfélagsmiðlastjarnan Sunneva Einarsdóttir er gríðarlega vinsæl á Instagram og tekur reglulega að sér að svara spurningum fylgjenda sinna.

Í sögu sinni á Instagram birtir hún spurningu frá fylgjenda sem hún segist hafa fengið mjög oft áður. Spyr fylgjandinn hvort hún vigti mat og telji hitaeiningar ofan í sig til að halda sér í góðu formi.

https://www.instagram.com/p/Bq49fT8gF7w/

„Nei, ég tel ekki ofan í mig kaloríur! Aldrei gert það og það myndi gera mig sturlaða,“ svarar Sunneva og bætir við að hún „svindli“ í mataræði á hverjum degi.

„Ég hreinlega vel bara heilsusamlegri valkostinn en á sama tíma fæ ég mér eitthvað smá „cheat“ alla daga. Myndi ekki detta í hug að vigta matinn minn en frekar bara stoppa þegar maður finnur að maður er saddur. Drekka vatn með og vel yfir daginn,“ bætir hún við.

Þá deilir Sunneva einnig uppskrift sem fylgir hér á eftir.

Karrýsteikt hvítkál með eggjum

„Þegar þú ert að flýta þér, vilt spara en vilt eitthvað „good“.“

Aðferð:

Hvítkál og laukur sett saman á pönnu með dass af olíu og minna dass af smjöri. Steikt þangað til mjúkt og bætt smá karrý og hvítlauksrif saman við. Egg hrærð og steikt á pönnu. Kryddað með hvítlauk og pipar. Egg sett saman við hvítkál og smá pipar.