Töluverðar áherslubreytingar hafa orðið á hinum gróna og rómaða veitingastað Lækjarbrekku frá því að nýir rekstraraðilar tóku við staðnum, fyrir um ári. „Við leggjum mikla áherslu á ferskt hráefni og að vinna allt á staðnum. Við kaupum ekki tilbúna matvöru né berum við slíkt á borð fyrir okkar gesti. Þá er matreiðslan orðin öll nútímalegri og tekur meira mið af nýjum straumum og stefnum,“ segir Stefán Stefánsson, framkvæmdastjóri Lækjarbrekku.

Staðurinn nýtur mikilla vinsælda, gestahópurinn er afar fjölbreyttur og úrvalið af réttum er mikið með jafnmikilli áherslu á kjöt og fisk auk þess sem vegan-réttir koma sterkir inn.

Það verður rómantísk stemning næstkomandi sunnudagskvöld, á sjálfum Valentínusardeginum, þar sem mörg pör munu eiga ógleymanlega stund. Til að fá örugglega borð borgar sig að panta sem fyrst en bæði er hægt að bóka borð í síma 551-4430 eða á vefsíðunni laekjarbrekka.is.

Sérstakur fjögurra rétta matseðill verður í boði á konudeginum: Fyrsta er nauta-carpaccio, síðan tekur við reykt ýsa, réttur sem vakið hefur mikla athygli og fengið frábærar viðtökur; í þriðja rétt er val um steiktan þorsk og lambafille og í eftirrétt er Manjari-súkkulaðimús með dökku súkkulaði, jarðarberjum og skyrís.

Sjá nánar á laekjarbrekka.is.