Jose Mourinho, stjóri Manchester United, er klikkaður ef hann notar framherjann Romelu Lukaku gegn Manchester City á sunnudag.
Þetta segir Paul Ince, fyrrum leikmaður United en hann er langt frá því að vera aðdáandi framherjans.
,,Jafnvel þó Lukaku sé heill heilsu þá væri það klikkun hjá Mourinho að nota hann í stórleiknum,“ sagði Ince.
,,Það eru spurningamerki um hvort hann verði heill en jafnvel þó hann verði það þá væri það klikkað ef Mourinho kýs að spila honum.“
,,Það geta allir séð úrslitin. Alexis Sanchez var mun betri gegn Juventus og það er engin tilviljum að Lukaku hafi ekki verið með.“
,,Bara í heild sinni, þegar hann spilar ekki þá lítur United út fyrir að vera miklu betra lið.“