„Við viljum aðeins létta undir með þeim og gera þessa erfiðu tíma örlítið bærilegri fyrir þau,“ segir Berglind Garðarsdóttir en frændi hennar, hinn 8 ára gamli Hjörtur Elías Ágústsson greindist með krabbamein þann 6.febrúar síðstliðinn og mun þurfa að gagnast undir langvarandi lyfjameðferð til að vinna bug á sjúkdómnum. Sjúkdómsgreiningin reyndist gífurlegt áfall og í ofanálag sjá foreldar Hjartar fram á töluvert tekjutap og margvíslegan kostnað tengdan meðferðinni.
Foreldrar Hjartar eru þau Ágúst Þór Ámundason og Íris Jónsdóttir og þá á Hjörtur 5 ára systur, Sigurrósu Amalíu Nótt og 13 ára bróður, Garðar Mána. Framundan er ferming Garðars Mána í næsta mánuði en skiljanlega hafa veikindi Hjartar sett stórt strik í reikninginn hjá fjölskyldunni. Hjörtur Elías er að sögn Berglindar einstaklega lífsglaður , fyndinn og klár strákur drengur. „Hann er hefur alltaf verið mjög hress og kátur og mikill húmoristi,“ segir hún í samtali við DV.is.
Hjörtur var að sögn Berglindar búinn að vera veikur í tæpar tvær vikur, með uppköst og mikla vanlíðan. Foreldrar hans leituðu þrisvar með hann til læknis og í öll skiptin fengust þau svör að hitinn og magaverkirnir væru vegna inflúensu. Við tóku frekar frekari læknisrannsóknir á Barnaspítalanum. Það var síðan þann 6.febrúar síðastliðinn að áfallið reið yfir: Hjörtur Elías reyndist vera með krabbamein. Um er að ræða eitilfrumukrabbamein sem staðsett er neðarlega í kviðarholinu.
Berglind segir fjölskylduna nú bíða átekta eftir niðurstöðum rannsóknar þar sem verið er að greina nákvæmlega tegund meinsins. Í kjölfarið verður tekin ákvörðun um framhaldið.
„Það voru send sýni til Boston og Kaupmannahafnar og niðurstöður úr því eiga að koma á fimmtudaginn eða föstudaginn. Þá fá þau að vita nákvæmlega hvernig meðferð hann þarf að fara í, en það er annaðhvort sex mánaða eða þá tveggja ára meðferð. Það fer eftir því hvernig krabbamein þetta er nákvæmlega.“
Talsverður kostnaður kemur til með að fylgja krabbameinsmeðferðinni, sem gæti sem fyrr segir tekið allt að tvö ár. Foreldrar Hjartar sjá fram á talsvert tekjutap næstu mánuði og jafnvel ár. Þá hefur mikið álag fylgir veikindum Hjartar og kemur til með að gera það áfram. Foreldrar hans eru fráskilin en hafa skipst á að vera til staðar fyrir bæði Hjört annars vegar og systkini hans hins vegar.
„Þau hjálpast að í gengum þetta en eins og ástandið er núna þá ekki víst hvenær þau komast aftur til vinnu,“ segir Berglind en hún og fleiri aðstandendur hans hafa nú opnað styrktarreikning fyrir fjölskylduna og vonast til að geta þannig stutt við bakið á þeim í baráttunni sem er framundan.
Líkt og Berglind bendir á er það óbærilegt að þurfa að ganga í gegnum krefjandi veikandi og hafa á sama tíma áhyggjur af fjármálunum. „Það þarf ekki að vera mikið. Allt telur.“
