Mikil dulúð hefur löngum sveipað Frímúrararegluna, mun meiri en annarra bræðralaga svo sem Kiwanis eða Rotary. Vilja sumir meina að þeir stjórni heiminum en aðrir að þetta sé eingöngu mannræktarfélag. Hvað sem því líður er það sem fram fer á frímúrarafundum leyndarmál.

Þúsundir íslenskra karlmanna eru frímúrarar og má glöggt þekkja þá af hringunum sem þeir bera. Uppruni reglunnar er í Bretlandi og þaðan barst hún út um allan heim. Fyrsta stúkan hérlendis var stofnuð árið 1919 og sjálfstæð regla árið 1951. Yfirmaður reglunnar, eða stórmeistari, var þá enginn annar en forseti lýðveldisins, Sveinn Björnsson.

Leynd fræði

Samkvæmt lögum reglunnar er markmiðið að göfga og bæta mannlífið og eru þar upptalin sjö gildi, eða hyrningarsteinar: Trúin á guð – Hinn hæsta, dyggðin, kærleikurinn, eindrægnin, þagmælskan, iðjusemin og stöðuglyndið. „Trúin eða dýrkun Guðs, Hins Hæsta, er upphaf og kjarni Reglunnar,“ segir þar.

Aðeins karlmenn eru teknir inn í regluna og þurfa þeir meðmæli frá tveimur reglubræðrum. Þeir verða að játa kristna trú, hafa óflekkað mannorð og vera sjálfráðir eigna sinna. Hægt er að draga umsóknina til baka í matsferlinu en eftir það er ekki hægt að ganga út nema í „sérstökum tilvikum.“

Þagmælskan er tekin alvarlega og í reglum stendur: „Utan vébanda Reglunnar er honum (reglubróður) alls óheimilt að ræða við nokkurn mann um innri störf eða siði hennar, nema því aðeins, að hann sé fullviss um, að hann tali við frímúrarabróður og viti stigtign hans. Skal hann þá haga orðum sínum eftir því.“ Þá er reglubræðrum bannað að ganga í önnur félög sem byggja á leynd. Enn fremur:

„Frímúrarabróður er stranglega bannað, án sérstakrar heimildar hverju sinni, að hafa í sinni vörslu nokkur gögn er varða hin leyndu fræði Reglunnar, hverju nafni sem nefnast, hvorki frumgögn né eftirmyndir.“

Fjölmargir áhrifamenn í íslensku þjóðfélagi hafa verið og eru frímúrarar. DV tók saman nokkur nöfn núverandi og fyrrverandi reglubræðra.

Gunnar Bragi Sveinsson

Þingmaður Miðflokksins og fyrrverandi utanríkisráðherra.

Ragnar Önundarson

Fyrrverandi bankastjóri Iðnaðarbankans.

Jakob Frímann Magnússon

Tónlistarmaður og Stuðmaður.

Júlíus Vífill Ingvarsson

Fyrrverandi framkvæmdastjóri Ingvars Helgasonar og borgarfulltrúi Sjálfstæðisflokksins.

Vigfús Bjarni Albertsson

Sjúkrahúsprestur og forsetaframbjóðandi.

Vilhjálmur Egilsson

Rektor háskólans á Bifröst og þingmaður Sjálfstæðisflokksins árin 1991 til 2003.

Jón Jósep Snæbjörnsson

Tónlistarmaður og söngvari Í svörtum fötum.

Björn Ingi Hrafnsson

Athafnamaður og fyrrverandi borgarfulltrúi Framsóknarflokksins.

Pálmi Gestsson

Leikari og Spaugstofumaður.

Þórir Stephensen

Fyrrverandi dómkirkjuprestur.

Hilmir Snær Guðnason

Leikari hjá Þjóðleikhúsinu.

Þorgils Óttar Mathiesen

Fyrrverandi forstjóri Sjóvá og handboltastjarna

Valur Valsson

Fyrrverandi bankastjóri Íslandsbanka

Garðar Cortes

Stórsöngvari og stofnandi Söngskólans í Reykjavík

Örn Bárður Jónsson

Fyrrverandi sóknarprestur Neskirkju.

Sveinn Björnsson

Fyrsti forseti lýðveldisins og æðsti maður reglunnar.

Ásgeir Ásgeirsson

Annar forseti lýðveldisins og forsætisráðherra.

Jóhannes S. Kjarval

Myndlistarmaður.

Vilhjálmur Þór

Utanríkisráðherra og seðlabankastjóri.

Albert Guðmundsson

Ráðherra, þingmaður og atvinnumaður í knattspyrnu.

Grímur Thomsen

Skáld og þingmaður.