Það er eiginlega ekki hægt að lýsa þessari ostaköku með orðum, svo dásamleg er hún. Það tekur smá tíma að búa þessa til og þarf að nostra við hana, en hún er hverrar mínútu virði.
Botn – Hráefni:
12 hafrakex, möluð
6 msk. brætt smjör
1 tsk. kanill
¼ bolli sykur
¼ tsk. salt
Ostakaka – Hráefni:
1 kg mjúkur rjómaostur
¼ bolli þykk karamellusósa
¼ bolli sykur
3 stór egg
¼ bolli sýrður rjómi
1 tsk. vanilludopar
2 msk. hveiti
½ tsk. salt
¼ tsk. kanill
Toppur – Hráefni:
1 meðalstórt epli, án hýðis og skorið í litla bita
¼ bolli púðursykur
¼ bolli hveiti
¼ bolli haframjöl
½ tsk. kanill
¼ tsk. salt
55 g mjúkt smjör
karamellusósa og þeyttur rjómi til að skreyta með (má sleppa)
Aðferð:
Hitið ofninn í 160°C og takið til hringlaga form, sirka 20 til 21 sentímetra stórt. Smyrjið formið vel. Byrjum á botninum. Blandið haframjöli, smjöri, kanil, sykri og salti vel saman í skál. Þrýstið blöndunni í botninn á forminu og setjið til hliðar.
Svo er það ostakakan sjálf. Þeytið rjómaost, karamellusósu og sykur vel saman þar til blandan er kekkjalaus. Bætið eggjunum saman við, einu í einu og hrærið síðan sýrðum rjóma og vanilludropum saman við. Bætið við hveiti, salti og kanil og þeytið þar til allt er vel blandað saman. Hellið blöndunni yfir botninn.
Þá er komið að toppinum. Blandið púðursykri, hveiti, haframjöli, kanil og salti vel saman í skál og vinnið síðan smjörið saman við með höndunum. Dreifið eplabitunum yfir ostakökublönduna og síðan toppinum ofan á eplin. Klæðið botninn á forminu með álpappír og setjið í stóra ofnskúffu. Hellið vatni í ofnskúffuna þar til það nær uppá hálft kökuformið. Bakið í miðjum ofninum í um það bil eina og hálfa klukkustund. Slökkvið á ofninum, opnið ofnhurðina og leyfið kökunni að kólna í ofninum, eða í um eina klukkustund. Fjarlægið álpappírinn og kælið kökuna í ísskáp í að minnsta kosti fimm klukkustundir. Fjarlægið kökuna úr forminu og berið fram með fullt af karamellusósu og þeyttum rjóma.
