Hjónin Halla Tómasdóttir forstjóri B Team og Björn Skúlason viðskiptafræðingur settu glæsilegt einbýlishús sitt að Sunnubraut í Kópavogi á sölu í september. Halla tók við forstjórastarfinu 1. ágúst og flutti fjölskyldan til New York í sumar.
Halla bauð sig fram í embætti forseta Íslands, en hún hefur verið áberandi í viðskiptalífinu undanfarin ár og er með meistaragráðu með áherslu á alþjóðleg samskipti og tungumál.
Húsið er 216 fm og var byggt 1969. Húsið var tekið í gegn 2010 og sá arkitektinn Hanna Stína um hönnun þess að innan. Allar innréttingar eru sérsmíðaðar og gólfin ýmis flísalögð eða með bæsuðu eikarparketi. Húsið er við sjávarsíðuna á Kársnesinu með stórbrotnu útsýni. Falleg og viðhaldslítil suðurlóð með um 200 fm harðviðarpalli og heitum potti.
Myndir fasteignaljosmyndun.is
Nánari upplýsingar um eignina má finna hér.
