Luke Shaw hefur skrifað undir nýjan langtíma samning við Manchester United, hann er til fimm ára.
Shaw var að verða samningslaus eftir tímabilið en hefur nú unnið sér fyrir nýjum samnngi.
Shaw sagði í sumar að hann vildi vinni fyrir nýjum samningi, innan vallar. Það hefur hann gert.
,,Frá því að ég kom til United fyrir fjórum árum, þá hefur gengið á ýmsu,“ asgði Shaw en meiðsli og annað hafa truflað hann.
,,Ég er mjög stoltur að því að skrifa undir nýjan samning og vera áfram í herbúðum hjá þessu frábæra félagi. Ég vil þakka öllum sem stóðu með mér þegar á móti blés, fólk gaf mér stuðning. Þjálfarateymið, liðsfélagar og stuðningsmenn.“
,,Ég vil láta alla vita að ég mun gera allt til þess að borga til baka og hjálpa til við að ná árangri á næstu árum. Ég er mjög ungur og get lært margt, ég get ekki beðið eftir því að bæta mig undir stjórn Mourinho.“
