Saul Niguez, leikmaður Atletico Madrid, ætlar sér að enda ferilinn hjá félaginu þrátt fyrir áhuga Barcelona.
Barcelona hefur lengi elst við þennan öfluga leikmann en hann er aðeins 23 ára gamall og er lykilmaður í Madríd.
Saul skrifaði undir níu ára samning við Atletico á síðasta ári og er ekki á förum á næstunni.
,,Þess vegna skrifaði ég undir langtímasamning við Atletico,“ sagði Saul í samtali við Radio Nacional.
,,Það er mitt plan, að vera hjá Atletico allan minn feril en þú veist aldrei hvað gerist í fótboltanum.“
,,Já ég vil enda ferilinn hjá Atletico en kannski á ég tvö slæm ár og þeir munu ekki elska mig lengur.“