Jamie Carragher, fyrrum leikmaður Liverpool, segir að liðið megi ekki tapa gegn Manchester City um helgina.
Liverpool og City eru talin líklegustu liðin til að vinna ensku deildina í vetur og eigast við á Anfield á sunnudaginn.
Carragher segir að leikurinn sé gríðarlega mikilvægur fyrir þá rauðklæddu og má liðið ekki við því að tapa.
,,Ef Manchester City nær fjórum stigum af sex gegn Liverpool þá held ég að liðið eigi engan séns á að vinna deildina,“ sagði Carragher.
,,Þetta er mjög mikilvægur leikur fyrir Liverpool. Leikirnir við efstu sex liðin verða mikilvægir þegar kemur að efstu fjórum sætunum.“
,,Það verður mjótt á mununum hjá þessum tveimur liðum og það þýðir að Liverpool verður að gera vel í viðureignunum.“
