Barbra Streisand gaf á fimmtudag út nýtt lag, Don´t Lie to Me og í laginu sem er mjög pólitískt skýtur föstum skotum að Donald Trump Bandaríkjaforseta.
Lagið er mjög í anda Streisand, veglegt tónaflóð þar sem reynir á kraftmikla rödd söngkonunnar, svona í takt við flest hennar lög. En í þetta sinn beinir hún orðum sínum til Trump og alls ekki undir rós.
You can build towers of bronze and gold.
You can make castles in the sky.
You can use smoke and mirrors and old
cliches don’t lie to me.
How do you sleep when the world keeps turning?
All that we built has come undone
How do you sleep when the world is burning?
Í viðtali við Billboard á fimmtudag sagði Streisand að henni finndist kominn tími til að setja pólítískar skoðanir sínar inn í tónlist sína.
Ég hef skrifað margar greinar um þennan, þennan einstakling, sem hefur enga mannasiði, móðgar alla, gerir grín að fólki með fötlun.
Hvað get ég sagt, ég var búin að skrifa svona 15 greinar um málefnið, hvað gat ég gert meira? Þetta eru mín mótmæli, ef svo má segja, um áður óþekkta tíma í sögu okkar.
Lagið kemur út á plötunni Walls þann 2. nóvember, sem er fyrsta plata Streisand með frumsömdu efni síðan 2005 og er lagið Don´t Lie to Me eitt af nokkrum pólitískum lögum plötunnar.
