,,Fær Íslendingurinn ósanngjarna gagnrýni?,“ svona byrjar greinin hjá Liverpool Echo í dag þar sem rætt er um Gylfa Þór Sigurðsson og stöðu hans hjá Everton.
Svo virðist vera að sem margir fjölmiðlar í Bretlandi vilji skella skuldinni á Gylfa þegar talað er um slæmt gengi Everton. Hár verðmiði spilar þar stórt hlutverk en greinahöfundur Echo er á öðru máli.
Greinin byrjar á að skoða ummæli sem Jamie Carragher, sérfræðingur Sky Sports lét falla um helgina.
,,Ef þú skoðar tölfræði hans í gegnum árin þá er hann öflugur leikmaður,“ sagði Carragher eftir tap Everton gegn Arsenal um helgina.
,,45 milljónir punda er mikiuð fyrir Everton, þeir verða að fá miklu meira frá honum.“
,,Við erum ekki að ræða um ungan leikmann, hann er 29 ára. Hann verður að gera hlutina núna, hann hefur ekki gefið félaginu nógu mikið til baka.“
Greinahöfundur telur að Gylfi eigi þetta ekki skilið. ,,Gylfi sannar hvernig týpa hann er með vinnusemi sinni, hann er alltaf einn duglegasti leikmaður Everton. Hann hefur hins vegar bara lagt upp eitt mark í ar.“
,,Þessi 29 ára leikmaður er að búa til mest á síðasta þriðjuni, hann getur sett Richarlison, Walcott og Bernard í góðar stöðu. Þetta gæti orðið spennandi teymi.“
,,Everton vantar kraft á síðasta þriðjungi en það er ekki bara Gylfa að kenna, þetta er vandamál liðsins og Marco Silva þarf að finna lausnir.“
,,Kannski er sá tímapunktur kominn þar sem Gylfi sýnir meiri stöðuleika en liðsfélagar hans verða að gera það líka.“
