Frönsk yfirvöld telja að um innanhússverk hafi verið að ræða þegar tveir menn brutust inn í íbúð Kim Kardashian í París á mánudagsmorgun. Lífvörður hennar, Pascal, sem fylgdi henni eins og skuggi hvert sem hún fór, hafði einmitt skroppið frá til þess að líta eftir systrum Kim Kardashian; Kourtney og Kendall, sem staddar voru á næturklúbbi í nágrenninu.

Uppáhalds raunveruleikaþáttastjarna allra, Kim Kardashian, varð fyrir hræðilegri upplifun þennan mánudagsmorgun þegar tveir grímuklæddir menn, klæddir upp eins og lögregluþjónar, brutust inn í íbúð hennar í París. Upplýst hefur verið af yfirvöldum að þjófarnir ógnuðu Kim með skotvopni og bundu hana inni á baðherbergi á meðan þeir létu greipar sópa í skartgripasafni hennar.

Steve Sanulis, fyrrverandi lífvörður Kanye West, telur að einhver nærri fjölskyldunni hafi skipulagt ránið. Fjölskyldan hefur þó ekki trú á því að núverandi lífvörður þeirra hafi nokkuð með málið að gera. Franska lögreglan gerir ennfremur athugasemdir við vitnisburð ákveðinna starfsmanna hótelsins þar sem hann stangast á við vitnisburð annarra.

Nánari upplýsingar má nálgast á eftirfarandi vefslóðum:
Vef TMZ
The Mirror og
Daily Mail